Les mots surlignés font l'objet d'une note
1Reçue à Montélimar, le 19 juillet 1573.
2Monsieur de Gordes, le doyen de Dye ma faict entendre que Emmond Chapaix, bourgeois
3de Crest, son beau-frère, est par chacun jour molesté et travaillé en ses maisons et biens
4pour les logis des gens de guerre qui sont au païs et de ceulx qui vont et viennent ;
5et daultant que je desire gratiffier ledit doyen de Dye, non seullement luy, mais les
6siens et ceulx qui luy attouchent en considerations des bons et notables services quil
7ma faictz, tant pour lellection du royaume de Poullongne d’où il vient presentement, que
8autrement, à ceste cause, je vous ay bien voulu escrire la presente en sa faveur
9et vous prie, monsieur de Gordes, de tenir la main et faire en telle sorte
10qu’aucuns desdits gens de guerre, ne aucuns quelz quilz soient n’entreprenent de loger
11prandre, enlever ne fourager aucune chose que ce soit, et tout ainsi que je
13ferois si moy mesmes jy estois en propre presonne, daultant que je lay
14prins et mis, et le prendz et mectz, ensemble tout ce qui luy apartient
15en et soubz ma protection et sauvegarde specialle, layant en oultre exempté de
16toutes contributions et impositions extraordinaires qui se pourroient faire et tenir audit païs,
17atendu ce que dessus, faisant faire en oultre exprès commandement aux consulz
18de ladite ville de Crest de ne bailler aucunes eticquettes aux soldatz pour
19les maisons dudit Chapaix, en quoy faisant, vous ferez chose que jauray
20fort agreable ; car, comme je vous ay dict, je desire grattiffier ledit doyen
21de Dye et pour lamour de luy les siens en tout ce quil me sera possible,
22qui me faict de rechef le vous recommander ; et surce, je prieray Dieu
23monsieur de Gordes, quil vous ayt en sa saincte et digne garde. Escript au camp
24de Nyeul près La Rochelle, ce VIIIe jour de jullet 1573.
25Vostre bon amy
26Henry
27Je vous prye aiez
28le pour recommandé